ესპანეთის რამდენიმე ქალაქის პროვინციაში, "სპეცოპერაციის კუშის" შედეგად სომხურ-ქართული კრიმინალური დაჯგუფების 129 წევრი, მათ შორის 7 კანონიერი ქურდი დააკავეს. ინფორმაციას საქართველოს შინაგან საქმეთა სამინისტრო ავრცელებს. უწყების ცნობით, დაკავებულები უმეტესად სომხეთის მოქალაქეები არიან.

შსს-ს ცნობით, ამავე სპეცოპერაციის შედეგად, მადრიდსა და ვალენსიაში დააკავეს საქართველოს ორი მოქალაქე, პ.ჯ, რომელსაც ლითონების გადამამუშავებელი უკანონო საამქრო ჰქონდა მოწყობილი და მ.კ. რომელიც სომხურ-ქართული კრიმინალური დაჯგუფების მიერ უკანონო გზით მოპოვებულ ფინანსებს განკარგავდა.

დაკავებულებს ბრალად ედებათ:

  • კრიმინალური დაჯგუფების წევრობა;
  • ნარკოტიკებით უკანონო ვაჭრობა;
  • ფულის გათეთრება;
  • საცხოვრებელ სახლებში უკანონო შეღწევა;
  • ავტომობილებით უკანონო ვაჭრობა;
  • თამბაქოს კონტრაბანდა;
  • იარაღის უკანონო ფლობა;
  • დოკუმენტაციის გაყალბება;
  • თაღლითობა;
  • გამოძალვა და კორუფცია სპორტულ გარიგებებში.

შსს-ში აღნიშნავენ, რომ კრიმინალური დაჯგუფების გამოსავლენად, ქართველ და ესპანელ სამართალდამცველებს ორწლიანი ნახევარი დასჭირდათ.