შინაგან საქმეთა სამინისტროს განცხადებით, წინასწარი შეთანხმებით ჯგუფის მიერ ჩადენილი ძარცვის ბრალდებით, 3 პირი დააკავეს.

უწყების ცნობით, ბრალდებულებმა მიმდინარე წლის 1 ივლისს ბათუმში, აეროპორტის გზატკეცილზე, თურქეთის რესპუბლიკის მოქალაქეებს 2100 თურქული ლირა გასტაცეს და შემთხვევის ადგილიდან მიიმალნენ.

"სამართალდამცველებმა სამივე პირი ცხელ კვალზე დააკავეს, გატაცებული თანხა კი ნივთმტკიცების სახით, სრულად ამოიღეს", - ნათქვამია განცხადებაში.

გამოძიება საქართველოს სისხლის სამართლის კოდექსის 178-ე მუხლის მე-2 ნაწილის "ა" ქვეპუნქტით და მე-3 ნაწილის "ა" ქვეპუნქტებით. აღნიშნული ბრალდება გულისხმობს წინასწარი შეთანხმებით ჯგუფის მიერ ჩადენილ ძარცვას, რამაც მნიშვნელოვანი ზიანი გამოიწვია. ბრალდება 5-დან 8 წლამდე ვადით თავისუფლების აღკვეთას ითვალისწინებს.