ურეკში ზღვაში 13 წლის მოზარდი დაიხრჩო. შემთხვევა პირველ ივლისს, დილის რვა საათისთვის მოხდა.

როგორც On.ge-ს საგანგებო სიტუაციების მართვის სამსახურში განუცხადეს, მაშველებმა სანაპირო ზოლის დათვალიერებისას შენიშნეს ორი მოზარდი, რომლებიც დახმარებას ითხოვდნენ. წყლიდან ამოყვანის შემდეგ მათ მაშველებს უთხრეს, რომ ზღვაში მესამე მოზარდიც იმყოფებოდა. მაშველებმა მოგვიანებით ცხედარი იპოვეს.