სხვისი სასაქონლო ნიშნის უკანონოდ გამოყენების საქმეზე ორი პირი დააკავეს. ფინანსთა სამინისტროს საგამოძებო სამსახურის ინფორმაციით, ავტომანქანის ძრავის ზეთის მწარმოებელი კომპანია მობილის სახელით ბრალდებულები დაბალხარისხიან და იაფფასიან ზეთს ყიდდნენ.

უწყების განცხადებით, კომპანია მობილის სასაქონლო ნიშნით უკანონოდ ნიშანდებული, 800 ლიტრი ავტომანქანის ძრავის ზეთი ამოიღეს.

საქმეზე გამოძიება საქართველოს სისხლის სამართლის კოდექსის 196-ე მუხლის მესამე ნაწილით მიმდინარეობს, რაც გულისხმობს სასაქონლო (მომსახურების) ნიშნის ან სხვა კომერციული აღნიშვნის მართლსაწინააღმდეგოდ გამოყენებას და ისჯება ჯარიმით ანდა თავისუფლების აღკვეთით 3-დან 5 წლამდე ვადით.