დღეს, 25 ივნისს თბილისის საქალაქო სასამართლომ მძღოლს, რომელიც სატრანსპორტო საშუალებას მთვრალ მდგომარეობაში მართავდა და ერთი ადამიანი იმსხვერპლა, 6 წელი მიუსაჯეს. მასვე 1 წლის ვადით ჩამოერთვა ავტომანქანის მართვის უფლება.

საქმე ეხება, 2016 წლის 6 ნოემბერს თბილისში, ჯავახეთის ქუჩაზე მომხდარ შემთხვევას, რა დროსაც ნასვამ მდგომარეობაში მყოფმა პირმა შეასრულა არასწორი მანევრი და ავტომანქანა ჰონდა ფიტ-ით შეეჯახა ქვეითად მოსიარულე პირს. დაზარალებული ავტოსაგზაო შემთხვევის შედეგად მიღებული ჯანმრთელობის დაზიანებებით გარდაიცვალა.

საქმის არსებითად განხილვისას, ბრალდებულმა სრულად აღიარა და მოინანია დანაშაული. ბრალდებული საქმეზე განაჩენის გამოცხადების შემდეგ, სასამართლო სხდომის დარბაზში დააკავეს.