თბილისში ხორცპროდუქტების ფალსიფიცირების ბრალდებით ერთი პირი პასუხისგებაში მისცეს. საქართველოს ფინანსთა სამინისტროს საგამოძიებო სამსახურის ცნობით, ინდ. მეწარმე ე.წ. "სუჯუკს" აწარმოებდა და ეტიკეტზე მითითებული საქონლისა და ღორის ხორცის ნაცვლად, ცხენის ხორცს იყენებდა.

უწყების ცნობით, გამოძიება საქართველოს სისხლის სამართლის კოდექსის 197-ე მუხლის პირველი ნაწილითაა დაწყებული, რაც თავისუფლების აღკვეთად 1-დან 3 წლამდე ვადით ითვალისწინებს.

ამასთან, საგამოძიებო სამსახურის ინფორმაციით, სავარაუდოდ, ხორცპროდუქტების - სოსისის, ძეხვეულისა და სარდელის ფალსიფიცირების შემთხვევები თბილისის 5 საამქროშიც დაფიქსირდა, რომელთა პროდუქციასაც ამჟამად ექსპერტიზა უტარდება.