თურქეთში, ქალაქ ერზრუმის საარჩევნო უბანზე სამი ადამიანი მოკლეს. მათ შორის იყო, კარგი პარტიის წევრი, რომელიც იქ ხმის მისაცემად იყო მისული. როგორც რესპუბლიკური პარტიის წარმომადგენელი ამბობს, სიტუაცია მას შემდეგ გამწვავდა, რაც საარჩევნო უბანზე შინაგან საქმეთა სამინისტროს წარმომადგენლები მივიდნენ.

მისივე თქმით, ადგილზე მივიდა სამართლიანობისა და განვითარების პარტიის საპარლამენტო კანდიდატიც, რომლის იქ გამოჩენამ უკმაყოფილება გამოიწვია. ამის შემდეგ დაიწყო სროლა და სამი ადამიანი გარდაიცვალა.

თურქეთში, დღეს, 24 ივნისს ვადამდელი საპრეზიდენტო და საპარლამენტო არჩევნები მიმდინარეობს. თურქეთში ეს არჩევნები ისტორიული იქნება, რადგან აღმასრულებელი ფუნქცია დაეკისრება პრეზიდენტს და პრემიერ-მინისტრის თანამდებობა გაუქმდება.

საპრეზიდენტო არჩევნების პირველ ტურში გამარჯვებისთვის კანდიდატმა ხმების 50 პროცენტზე მეტი უნდა დააგროვეს. წინააღმდეგ შემთხვევაში, მეორე ტურში საუკეთესო შედეგის მქონე ორი კანდიდატი იბრძოლებს.

რეჯეფ ტაიპ ერდოღანს გამარჯვების შემთხვევაში, ხელისუფლების სათავეში ის 2023 წლამდე იქნება და მორიგ საპრეზიდენტო არჩევნებშიც შეძლებს მონაწილეობის მიღებას.

გაიგეთ მეტი: