ხორავას ქუჩაზე მოკლულის მამის, ზაზა სარალიძის თქმით, საქმის პროკურორმა, იმედა გუგუშვილმა უთხრა, რომ თუ ბევრს ილაპარაკებდა დანარჩენ ბრალდებულებსაც გამოუშვებდა. ამის შესახებ სარალიძემ პარლამენტის საგამიებო კომისიის სხდომაზე განაცხადა.

როგორც სარალიძემ კომისიის სხდომაზე განმარტა პროკურორები ამტკიცებდნენ, რომ მისი შვილი გ.ჯ-მ მოკლა. მისი თქმით, სიმართლე იცოდა და იფიქრა, რომ სხვა დამნაშავეებს გამოძიება დაადგენდა:

"თუმცა მამაჩემი მწყობრიდან გამოიყვანა სიტყვებმა, რომ ჩემი შვილის მკვლელი მხოლოდ გ.ჯ. იყო. ვსაუბრობდი, რომ მხოლოდ ერთი ადამიანი არ შეიძლება ყოფილიყო ჩემი შვილის მკვლელი. გუგუშვილის მომართვა იყო: - თქვენ თუ ბევრს ილაპარაკებთ, ამათაც გარეთ გამოვუშვებთ! ამაზე ჩემი პასუხი იყო: - გამოუშვით, პრობლემა არ არის. თუკი დანარჩენი მკვლელები გარეთ უნდა იყვნენ, ერთი ან ორი ადამიანის დაკავებას რა აზრი ჰქონდა?!"

სარალიძის თქმით, ერთ-ერთ შეხვედრაზე მან პროკურორ გუგუშვილს უთხრა, რომ თუკი სიმართლე არ დადგინდებოდა "მალალეტკების ომი დაიწყებოდა", რაზეც გუგუშვილმა უპასუხა- "დაიწყოს, არ არის პრობლემა".

პარლამენტში ხორავას ქუჩაზე მომხდარი მკვლელობის საქმის შემსწავლელი საპარლამენტო საგამოძიებო კომისიის სხდომა მიმდინარეობს, სადაც ზაა სარალიძეს და მის ადვოკატებს