ფინანსთა სამინისტროს საგამოძიებო სამსახურის ინფორმაციით, უაქციზო სიგარეტის შენახვა-გადაზიდვა-რეალიზაციის საქმეზე 3 პირი დააკავეს.

უწყების ინფორმაციით, სამეგრელო-ზემო სვანეთის რეგიონში 4 360, ქვემო ქართლის რეგიონში კი 2 500 კოლოფი უაქციზო სიგარეტის შენახვა-გადაზიდვა გამოავლინეს. მათივე თქმით, უაქციზო სიგარეტების საერთო საბაზრო ღირებულება 18 000 ლარს აღემატება.

საქმეზე გამოძიება საქართველოს სისხლის სამართლის კოდექსის მე-200 მუხლის მე-2 ნაწილით მიმდინარეობს, რაც სასჯელის სახით თავისუფლების 4-დან 6 წლამდე ვადით აღკვეთას ითვალისწინებს.