ფინანსთა სამინისტროს საგამოძიებო სამსახურის ინფორმაციით, გამოავლინეს ოთხი შემთხვევა, როცა საქართველოში ოქროსა და ვერცხლის ნივთები დარღვევით შემოჰქონდათ. სულ ამოღებულია 4,6 კგ ოქრო და 50,2 კგ ვერცხლი.

გამოძიებით დადგინდა, რომ ოთხ შემთხვევაში, ბრალდებულებმა, მათივე მართვის ქვეშ არსებულ სატრანსპორტო საშუალებებში მოწყობილი სპეციალური სამალავებით, საქართველოს საბაჟო გამშვები პუნქტების სადახლოს, სარფის და ნინოწმინდის გავლით შემოიტანეს დიდი ოდენობით ძვირფასი ლითონი", - აღნიშნავენ ფინანსურ პოლიციაში.

მათი ინფორმაციით, ამოღებული ძვირფასი ლითონის საბაჟო ღირებულება ჯამში 360 000 ლარია.

გამოძიება სისხლის სამართლის კოდექსის 214-ე მუხლის მეორე ნაწილით მიმდინარეობს. ამ მუხლით, საქართველოს საბაჟო საზღვარზე განსაკუთრებით დიდი ოდენობით მოძრავი ნივთის საბაჟო კონტროლის გვერდის ავლით გადმოტანა ისჯება ჯარიმით ან თავისუფლების აღკვეთით ვადით ხუთიდან შვიდ წლამდე.