მართალია სამეფო კარის თამაშების ბოლო სეზონის გამოსვლამდე დარჩენილ დღეებს სიმწრით ვითვლით, თუმცა ნუ დაგვავიწყდება, რომ 2019 წელს ჩვენ ამ შესანიშნავ შოუს უკანასკნელად ვნახავთ.

შოუსთან გამომშვიდობება ემოციურია ჩვენთვის და ხომ წარმოგიდგენიათ, როგორ უჭირთ ეს მსახიობებს?!

ცოტა ხნის წინ ემილია კლარკმა, რომელიც სერიალში ცეცხლით შობილი დრაკონების დედის როლს ასრულებს, ინსტაგრამზე ემოციური პოსტი გამოაქვეყნა და სერიალს სამუდამოდ დაემშვიდობა.

"ვემშვიდობები იმ ადგილს, რომელიც ამ წლების განმავლობაში, ჩემი სახლიდან ძალიან შორს, ჩემს სახლად იქცა. "სამეფო კარის თამაშები" იყო დიდი მოგზაურობა. მადლობა იმ ცხოვრებისთვის, რომელზეც ვერც კი ვიოცნებებდი და იმ ოჯახისთვის, რომელიც ყოველთვის მომენატრება", - წერს ემილია კლარკი.