საგანგებო სიტუაციების მართვის სამსახურის ინფორმაციით, საქართველოს სხვადასხვა რაიონში მოსული ძლიერი წვიმის გამო 22 შეტყობინება მიიღეს.

უწყების ინფორმაციით, ძლიერი წვიმის გამო დუშეთის რაიონში დაიტბორა ქუჩები და საცხოვრებელი სახლების სარდაფები

"ამ წუთებში მიმდინარეობს წყლის ამოტუმბვითი სამუშაოები. დაშავებულები არ არიან", - აღნიშნულია საგანგებო სიტუაციების მართვის სამსახურის მიერ გავრცელებულ განცხადებაში.

თბილისში ძლიერი წვიმა დაახლოებით ნახევარი საათის წინ დაიწყო. ამ ეტაპზე საგანგებო სიტუაციების მართვის სამსახურის დედაქალაქიდან ძლიერი წვიმის გამო შეტყობინება არ მიუღია. გარდა ამისა, უცნობია გადაიკეტება თუ არა ვაკისა და საბურთალოს დამაკავშირებელი ე.წ. ახალი გზა.