ამერიკულ ნიჭიერში რამდენიმე დღის წინ ნამდვილი სენსაცია მოხდა, როდესაც ჟიურისა და მაყურებლის წინაშე გამოსული 13 წლის მორცხვი და საყვარელი გოგონა, მუსიკის ჩართვის წამიდან გასული საუკუნის ეპოქის შეშლილ მუსიკოსად გადაიქცა.

სცენაზე გამოსვლისას, კორტნი ჰოდვინი უხერხულად პასუხობდა ჟიურის წევრის, მელ B-ს კითხვებს. მან აღნიშნა, რომ ძალიან ნერვიულობდა, თუმცა მუსიკის დაწყებიდანვე სცენაზე სიტუაცია 180 გრადუსით შეიცვალა.

ოტის რედინგის 1968 წლის სიმღერის, Hard To Handle-ს შესრულების შემდეგ, გაოცებულმა ჟიურიმ 13 წლის ინგლისელი სკოლის მოსწავლე მძვინვარე ლომსა და ამერიკელ როკ-მომღერალს, ჯენის ჯოპლინს შეადარა. კორტნიმ ჰოუი მენდელისგან ოქროს ღილაკიც მიიღო:

"ღმერთო ჩემო, შენ ჩვენი ეპოქიდან არ ხარ, ახალგაზრდა ქალბატონო, ახლა შენთვის მხოლოდ ერთი რამის გაკეთება შემიძლია და ეს ოქროს ღილაკია!

ახლა თინეიჯერს ერთი მილიონი დოლარის მოგების შანსი აქვს, რაც NBC-ს შოუს მთავარი პრიზია.

სცენაზე გამოსვლამდე, კორტნის მამამ ინტერვიუში თქვა, რომ მის შვილს ადამიანებთან ურთიერთობა მარტივად არ გამოსდის, ყველაზე მეტად მუსიკითაა დაინტერესებული და საკუთარ სათქმელს საუკეთესოდ სიმღერისას გადმოსცემს.

კორტნი პირველი ბრიტანელი არაა, რომელიც ამერიკულ კონკურსში წარმატებულად გამოსულა. 2015 წელს, კონკურსის გამარჯვებული ინგლისელი კომიკოსი პოლ ზერდინი გახდა.

2017 წელს კორტნი ბრიტანულ ვოისშიც მონაწილეობდა. ვის უფრო გაგონებთ, სტივენ ტაილერს თუ ჯენის ჯოპლინს?