ჰილარი კლინტონი გახდა პირველი ქალი, რომელიც ოფიციალურად დასახელდა აშშ-ს საპრეზიდენტო კანდიდატად. ფილადელფიაში გამართულ ყრილობაზე, მან მისი კანდიდატურა ფორმალურად რამდენიმე საათის წინ დაასახელა.

სიტყვით გამოსვლისას ჰილარიმ განაცხადა:

"თუკი რომელიმე პატარა გოგო ახლა მე მიყურებს, ნება მომეცი გითხრა, რომ მე შეიძლება გავხდე პირველი ქალი პრეზიდენტი, თუმცა შენ იქნები შემდეგი".

ფოტო: Hillary Clinton

სიტყვით გამოვიდა ასევე აშშ-ს ყოფილი პრეზიდენტი ბილ კლინტონი, რომელმაც იმაზე ისაუბრა, თუ რატომ უნდა ჩაუდგეს ქვეყანას სათავეში მისი მეუღლე და "საუკეთესო მეგობარი," ჰილარი კლინტონი:

"ჰილარი არის საუკეთესო რეფორმატორი, ვინც კი ოდესმე გამიგია. ჰილარი უფრო მეტად გაგვაძლიერებს, თქვენ ეს იცით, იმიტომ რომ იგი მთელი ცხოვრება ამას აკეთებს".

ბილ კლინტონმა ასევე გაიხსენა თუ როგორ გაიცნო ჰილარი, იელის სამართლის სკოლაში, 1971 წლის გაზაფხულზე:

"მე ცოლად შევირთე ჩემი საუკეთესო მეგობარი. მას შემდეგ, ჩვენ ერთად ვსაუბრობთ, ერთად ვსეირნობთ, ერთად ვიცინით".