ძლიერი წვიმის გამო თბილისის რამდენიმე ქუჩაზე სამანქანო მოძრაობა გართულდა. საგანგებო სიტაუციების მართვის სამსახურის ინფორმაციით, მოძრაობა შეფერხებულია გლდანის ხიდების მიმდებარე ტერიტორიაზე და თამარაშვილის ქუჩაზე. უწყების განცხადებით, მოვარდნილი წყლის მასის გამო მეხანძრე-მაშველებს ჩარჩენილი მანქანების ქუჩებიდან გაყავთ.

უწყებაში ამბობენ, რომ ძლიერი წვიმის შედეგად, მოქალაქეები არ დაშავებულან. მათივე თქმით, ამ წუთებისთვის, ყველაზე მეტი შეტყობინება შესულია გლდანის რაიონიდან, სადაც დაიტბორა მეტროსადგურ ახმეტელის შესასვლელი. მათ განმარტებით, მეტროს ფუნქციონირებას საფრთხე არ ემუქრება.