სახელმწიფო გადატრიალების მცდელობასთან შესაძლო კავშირის ბრალდებით, დღეს თურქეთში 42 ჟურნალისტის დაკავების ორდერი გასცეს. აღნიშნულ პირებს შორისაა ცნობილი თურქი კომენტატორი და პარლამენტის ყოფილი წევრი, ნაზლი ილიჩაკიც. ინფორმაციას Hurriyetdailynews ავრცელებს.

ბრძანება მას შემდეგ გაიცა, რაც თურქეთის პრზიდენტმა, რეჯეპ ტაიპ ერდოღანმა ქვეყნის მასშტაბით ე.წ. წმენდის შესახებ გამოაცხადა და თანამდებობიდან გადააყენა ის პირები, რომლებიც ე.წ. "პარალელური სტრუქტურის" წევრები არიან. თურქეთის ხელისუფლება ამტკიცებს, რომ მოქალაქეთა აღნიშნული ჯგუფი აშშ-ში მცხოვრებ ფეტულა გიულენთან არის კავშირში.

15 ივლისს თურქეთში ხელისუფლების დამხობის მიზნით ქვეყნის რამდენიმე ლოკაციაზე შეიარაღებული დაჯგუფების თავდასხმას 300-მდე ადამიანის სიცოცხლე ემსხვერპლა, აჯანყებასთან კავშირის ბრალდებით თანამდებობიდან გადააყენეს და დააკავეს ათასობით მოსამართლე, მაღალი თანამდებობაზე მყოფი სამხედროები, პოლიციელები და სამოქალაქო პირები.

თურქეთში მომხდარის შესახებ დეტალური ინფორმაცია შეგიძლიათ იხილოთ აქ: