Netflix-მა დაადასტურა, რომ ბოლო წლების ერთ-ერთი ყველაზე პოპულარული და განხილვადი სერიალი, 13 მიზეზი რატომ, მესამე სეზონით დაბრუნდება.

ამის შესახებ სერიალის ოფიციალურ ტვიტერზე ვიდეო გამოქვეყნდა, რომელშიც სკოლის საკეტიან კარადას ვხედავთ, კარებზე წარწერით - 3.

თუ ჯერ სერიალი არ გინახავთ, ალბათ გაიგებდით მაინც, რომ სერიალი თინეიჯერ გოგონაზეა, რომელიც ცდილობს დატოვებული ჩანაწერებით ახსნას, რატომ მოიკლა თავი.

შოუ ეხება ისეთ რთულ საკითხებს, როგორიცაა სუიციდი, სექსუალური თავდასხმა, გაუპატიურება, სროლა სკოლაში.

სავარაუდოდ, მესამე სეზონში, ჰანა ბეიკერის როლის შემსრულებელ კეტრინ ლენგფორდს აღარ ვიხილავთ.

სერიალის პირველი სეზონი გადაღებულია ჯეი აშერის 2007 წლის წიგნის, ცამეტი მიზეზი რატომ, მიხედვით.