პარლამენტთან გამართულ, გაერთიანებული ოპოზიციის, აქციაზე ზაზა სარალიძეს ეძებენ. ახალი საქართველოს ლიდერის, გიორგი ვაშაძის განცხადებით, სარალიძე ტელეფონს არ პასუხობს და მას ვერსად მიაგნეს. მისივე თქმით, ქონდათ ინფორმაცია, რომ სარალიძე სახალხო დამცველთან ერთად იმყოფებოდა, თუმცა ეს არ დადასტურდა.

ვაშაძის განცხადებით, სარალიძე აქციაზე აპირებდა მისვლას. მსგავსი განცხადება, რამდენიმე საათის წინ, ზვიად კუპრავამაც გაავრცელა.

ვაშაძემ მიმართა შინაგან საქმეთა სამინისტროსა და სახელმწიფო უსაფრთხოების სამსახურს, რომ მალევე მიაწოდონ ინფორმაცია სარალიძის ადგილსამყოფელისა და ჯანმრთელობის მდგომარეობის შესახებ.

სარალიძე რამდენიმე საათის წინ, ვაკის პარკში მიმდინარე აქციზე იმყოფებოდა, რომელიც ხმაურისა და სიტყვიერი დაპირისპრიების ფონზე, ომბუდსმენთან ერთად, დატოვა. სარალიძემ განაცხადა, რომ სახლში მიდიოდა.