ვაკის პარკში მიმდინარე აქციაზე "დაისაჯონ დამნაშავეები" მართლმადიდებელ მშობელთა კავშირი მივიდა. ამ წუთებში აქციის მონაწილეებს სიტყვით ამავე კავშირის ერთ-ერთი ლიდერი და მხარდამჭერი მამა გიორგი ისაკაძე მიმართავს.

მისი თქმით, საქართველო დაიღალა აქციებით და არეულობით და ყველანაირი დესტაბილიზაციის მომხრეა.

მართლმადიდებელ მშობელთა კავშირმა აქცია 1 ივნისს, საკრებულოსთან გამართა. მათი წევრების განცხადებიტ მმკ მხარს უჭერდა ზაზა სარალიძეს, თუმცა ემიჯნებოდა იმ პოლიტიკურ პარტიებს, რომლებიც აქციაზე იყვნენ. მათი აზრით, აქციას პოლიტიკური კონტექსტი ჰქონდა.

ვაკის პარკში აქცია დღეს, 15 საათზე დაიწყო. აქციის მონაწილეები ამბობენ, რომ ემიჯნებიან პოლიტიკურ პარტიებს და ამ მიზეზით შეიკრიბნენ ვაკის პარკში. გუშინ, 2 ივნისს, გვიან ღამით გახდა ცნობილი, რომ პარლამენტის წინ ზაზა სარალიძის მხარდასაჭერ აქციაში პოლიტიკოსებიც ერთვებიან.

ვაკის პარკში მიმდინარე აქციაზე ზაზა სარალიძე მივიდა. მან განაცხადა, რომ იდგებოდა იქ, სადაც მისი შვილის თანატოლები იდგნენ, თუმცა რამდენიმე წუთში აქცია დატოვა.

"თუ აქაც დავინახავ მარტო ხალხს, მოვალ", - ამ სიტყვებით დატოვა ვაკის პარკის ტერიტორია ხორავას ქუჩაზე მოკლილი დავით სარალიძის მამამ, ზაზა სარალიძემ.

აქციაზე მისული იყო საქართველოს სახალხო დამცველი, ნინო ლომჯარიაც. სწორედ მასთან ერთად დატოვა სარალიძემ ვაკის პარკის ტერიტორია. აქციის მონაწილეებმა შეურაცხყოფა მიაყენეს სახალხო დამცველს. მათი განცხადებით, ზაზა სარალიძემ აქცია ნინო ლომჯარიას გავლებით დატოვა.