საპატრიარქოში ამბობენ, რომ მართლმადიდებელ მშობელთა კავშირის მიერ გავრცელებული ინფორმაცია იმის შესახებ, რომ საპროტესტო აქციაზე საპატრიარქოს წარმოადგენენ სიმართლე არ არის. საპატრიარქოს განცხადებით "ეს ქმედებაც და განაცხადიც არის მათი პირადი ინიციატივა და ამის შესახებ საპატრიარქო ინფორმირებული არ იყო."

მართლმადიდებელ მშობელთა კავშირის საპროტესტო აქცია გუშინ, პირველ ივნისს, თავისუფლების მოედანზე გაიმართა. როგორც On.ge-ს სასულიერო პირებმა უთხრეს, ისინი საპატრიარქოს წარმოადგენდნენ.

მმკ-ს წევრების თქმით, სოლიდარობას უცხადებდნენ სარალიძეს, თუმცა აქციას ემიჯნებიან. როგორც მათ აღნიშნეს, ზაზა სარალიძის ინტერესებს ფაშისტური პოლიტიკური პარტია იყენებს და სწორედ ამიტომ ემიჯნებიან აქციას.