შინაგან საქმეთა სამინისტროს ინფორმაციით, თინა ხიდაშელის ძმა გამოკითხვაზეა დაბარებული. ამის შესახებ უწყებაში On.ge-ს განუცხადეს.

ზვიად კუპრავამ, რომელიც აქციის ერთ-ერთი ორგანიზატორია განაცხადა, რომ მათ მეგობართან მივიდა სუს-ის ერთ-ერთი ყოფილი თანამშრომელი, თინა ხიდაშელის ძმა, რომელმაც უთხრა, რომ დაგეგმილია პროვოკაციები. კუპრავას თქმით, ეს საუბარი ჩაწერილია.

"დაუყოვნებლივ მოვითხოვთ, [გიორგი] გახარიამ დაიბაროს ეს ადამიანი და დაკითხოს რა ტიპის პროვოკაციები იგეგმება აქ", - განაცხადა კუპრავამ.

თბილისში აქცია #ნუმომკლავ მეორე დღეა იმართება. აქცია მას შემდეგ დაიწყო, რაც თბილისის საქალაქო სასამართლოს გადაწყვეტილებით ხორავას ქუჩაზე მოკლული დავით სარალიძის მკვლელი ვერ დადგინდა.