საქართველოს პარლამენტთან ზაზა სარალიძის სოლიდარობის მიზნით გამართულ აქციაზე საქართველოს ყოფილი პირველი ლედი სანდრა რულოვსი მივიდა. მისი თქმით, მან აქციაზე მყოფებსა და ზაზა სარალიძეს მხარი დაუჭირა და სოლიდარობა გამოუცხადა.

დღეს, პარლამენტთან მივიდა საქართველოს პრეზიდენტი გიორგი მარგველაშვილიც, რომელმაც განაცხადა, რომ ხელისუფლებასთან სტაბილური პროცესების წარმართვის მიზნით, კონსულტაციები აქვს.

გუშინ გამართული აქციის შემდეგ, ხორავას ქუჩაზე მოკლულის მამა ზაზა სარალიძე საქართველოს პარლამენტთან დარჩა და ღამე კარავში გაათენა.

სამართლიანობის აღდგენის მოთხოვნით, აქცია დღეს, პირველ ივნისს 14:00-ზე განახლდება. აქციის მთავარი მოთხოვნაა გადადგეს მთავრობა და შეიცვალოს უსამართლო სისტემა.