ხორავას ქუჩაზე მოკლული დავით სარალიძის მამამ, ზაზა სარალიძემ განაცხადა, რომ აქციაზე პრემიერ კვირიკაშვილი მივიდა არა იმიტომ რომ მისთვის თანაეგრძნო, არამედ ისევ მოეტყუებინათ ის:

"დღეს არამარტო სისტემა, არამედ ხელისუფლებაც დაგვეტაკა. პრემიერი მოვიდა არა იმიტომ, რომ აუცილებლად დღესვე დააკავებდნენ ჩემი შვილის მკვლელებს, არამედ იმიტომ რომ კიდევ უნდოდა მოვეტყუებინე. ექვსი თვეა მატყუებენ".

პარლამენტის წინ მიმდინარე აქციაზე გიორგი კვირიკაშვილი ცოტა ხნის წინ მივიდა. აქციის მონაწილეები სკანდირებდნენ "წადი".

პრემიერს რამდენიმე წუთის განმავლობაში სიტყვით გამოსვლის საშუალება არ მიეცა, აქციის მონაწილეებმა მას ბოთლები ესროლეს, რის შემდეგაც ის დაცვამ უკან გაიყვანა.

აქციის მონაწილეების ერთ-ერთი მთავარი მოთხოვნაა გადადგეს მთავრობა. მათ პრეზიდენტს მოუწოდეს, რომ შეუერთდეს აქციას და გადაააყენოს მთავრობა.