ამ წუთებში პარლამენტთან აქცია #ნუმომკლავ მიმდინარეობს. პარალელურად კი თბილისში, დინამოს სტადიონზე საქართველოს რაგბის ნაკრების, ბორჯღალოსნების მატჩი იმართება. აქციაზე არაერთხელ გავრცელდა ინფორმაცია იმის შესახებ, რომ ბორჯღალოსნები მატჩის შემდეგ შეუერთდებოდნენ, თუმცა ეს ინფორმაცია არ დასტურდება.

ქართული რაგბი აცხადებს, გვერდით უდგანან ტრაგედიით გაუბედურებულ ოჯახებს, თუმცა მაინც არ გავლენ აქციაზე, რადგან მას პოლიტიკური ელფერი აქვს:

აქციაზე #ნუმომკლავ ითხოვენ ყველა იმ პირის დასჯას, რომლებიც, მათი აზრით, ხორავას ქუჩის საქმის ფალსიფიცირებაში მონაწილეობდნენ. მათივე თქმით, მთავარი პროკურორის ირაკლი შოთაძის გადადგომა არაფერს ნიშნავს.

დემონსტრანტებმა სხვა მოთხოვნებიც წამოაყენეს. მათ ხელისუფლებას ათ სააათამდე მისცეს ვადა იმისთვის, რომ მირზა სუბელიანი დააკავონ. ხორავას ქუჩაზე მოკლული დავით სარალიძის მამა ამტკიცებს, რომ მირზა სუბელიანს საქმესთან კავშირი აქვს და ის ხელს აფარებდა ბრალდებულებს.

დღეს, 31 მაისს ე.წ. ხორავას ქუჩის საქმეზე სასმართლო გადაწყვეტილების გამოცხადების შემდეგ პროკურატურასთან აქცია დაიგეგმა.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა. დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.