ევროპული საქართველოს წევრი, ელენე ხოშტარია ხორავას ქუჩაზე მომხდარი მკვლელობაზე, თბილისის საქალაქო სასამართლოს გადაწყვეტილებას გამოეხმაურა. მისი თქმით, ზაზა სარალიძე ამ პერიოდის განმავლობაში საუბრობდა პროკურატურის მხრიდან ხარვეზებზე და ეჭვობდა, რომ ვიღაცას აფარებდნენ ხელს.

"ამ ადამიანს, ისედაც სახელმწიფოსგან დაჩაგრულს, ეუბნებიან, რომ შენი შვილის მკვლელი არ არსებობს. ადამიანი, რომელიც ეძებდა სამართალს, არათუ არაფერი გავაკეთეთ, არამედ პირდაპირ სილა გააწნა პროკურატურამ, რომელიც ეუბნება, რომ ამდენი ხნის განმავლობაში, შენი შვილის მკვლელი არ არსებობს", - განაცხადა ხოშტარიამ.

ამ ეტაპზე გავრცელებული ინფორმაციით, ხორავას ქუჩის საქმეზე ერთი ბრალდებული სარალიძის ნაწილში გამართლდა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, გავრცელებული ინფორმაციით, მუხლი განზრახ მკვლელობიდან მკვლელობის მცდელობად გადაკვალიფიცირდა.