ვაინშტაინის განკითხვის დღე - ჰოლივუდის რეაქციები ყოფილი პროდიუსერის დაპატიმრებაზე

დღეს სექსუალურ შევიწროებაში ბრალდებული ჰარვი ვაინშტაინი ნიუ-იორკის პოლიციას თავისი ნებით ჩაბარდება.

ვაინშტაინის საქმეს ერთდროულად ნიუ-იორკის, ლოს-ანჟელესისა და ლონდონის პოლიცია იძიებს. ჰოლივუდის ერთ დროს ყველაზე გავლენიანი პროდიუსერი სექსუალურ შევიწროებასა და ძალადობაში 100-მდე ქალმა დაადანაშაულა.

ვაინშტაინის დაპატიმრება დღეს ამერიკული მედიის მთავარი თემაა. ამ ამბავს ეხმაურებიან თავად ჰოლივუდის ვარსკვლავებიც.

გამოცემები, ისევე როგორც ვარსკვლავები აღნიშნავენ, რომ სამართალი აღსრულდა და ვაინშტაინი საბოლოოდ იმას მიიღებს, რაც დაიმსახურა.

ერთ-ერთი პირველი ამ თემას როუზ მაკგოვანი გამოეხმაურა.

"20 წლის წინ, დავიფიცე, რომ ამ შეცდომას გამოვასწორებდი. დღეს ჩვენ ერთი ნაბიჯით მივუახლოვდით სამართალს. ჩვენ ახალგაზრდა ქალები ვიყავით, რომლებსაც ვაინშტაინი თავს დაესხა და შემდეგ გვატერორებდა თავისი კავშირებით", - წერს როუზი.

I, and so many of Harvey Weinstein’s survivors, had given up hope that our rapist would be held accountable by law. Twenty years ago, I swore that I would right this wrong. Today we are one step closer to justice. We were young women who were assaulted by Weinstein and later terrorized by his vast network of complicity. I stand with my fellow survivors. May his arrest give hope to all victims and survivors everywhere that are telling their truths.

A post shared by Rose McGowan (@rosemcgowan) on May 24, 2018 at 2:59pm PDT

რეჟისორი ავა დიუვერნი კი ამ ყველაფერს კარმას აბრალებს.

"მეგობარმა ამ ამბავზე მომწერა: კარმა უყურადღებოდ არავის ტოვებს"

A friend just texted me with this: “Karma NEVER loses an address.” https://t.co/BOHun3cOn8
— Ava DuVernay (@ava) May 24, 2018

ამ ამბავს საკუთარ სოციალურ ქსელით ჰარვის თითქმის ყველა მსხვერპლი და ჰოლივუდის სხვა ვარსკვლავებიც გამოეხმაურნენ, მათ შორის აზია არჯენტო და ეშლი ჯადი. ყველა აღნიშნავდა, რომ ყოფილი პროდიუსერის დაპატიმრება სამართლის აღსრულებისკენ გადადგმული დიდი ნაბიჯია.