დღეს ჰარვი ვაინშტაინს ოფიციალურად დააპატიმრებენ. როგორც ცნობილია ნიუ-იორკის პოლიციას ის საკუთარი ნებით ჩაბარდა.

როგორც ცნობილია, საბოლოოდ ვაინშტაინის დაკავების მიზეზი ალექსანდრა კანოს ბრალდებამ გამოიწვია. ნეტფლიქსის სერიალის ერთ-ერთმა პროდიუსერმა ვაინშტაინის წინააღმდეგ სარჩელი რამდენიმე კვირის წინ შეიტანა და ის გაუპატიურებაში დაადანაშაულა. გარდა ამისა, ჰარვი მას 5 წლის განმავლობაში ემუქრებოდა.

საქმეში ფიგურირებს ლუსია ევანსის სახელიც, რომელსაც ვაინშტაინმა საქმიანი შეხვედრის დროს ორალური სექსი შესთავაზა.

ვაინშტაინის საქმეს ერთდროულად ნიუ-იორკის, ლოს-ანჟელესისა და ლონდონის პოლიცია იძიებს. ჰოლივუდის ერთ დროს ყველაზე გავლენიანი პროდიუსერი სექსუალურ შევიწროებასა და ძალადობაში 100-მდე ქალმა დაადანაშაულა.