დოკუმენტალისტი და მოგზაური ჯოუი შუსლერი თავის 3 მეგობართან ერთად საქართველოს მთიანეთში მოგზაურობს.

ჯგუფმა ომალოდან ყაზბეგამდე მგზავრობა ველოსიპედებით გადაწყვიტა. ტურის ხანგრძლივობა 10 დღეზე გათვალეს და სწორედ ამ დროისთვის სამყოფი მარაგი წაიღეს.

"საშინელი შტორმი, შლეგი მდინარეების გადალახვა, მოყინული უღელტეხილი, ექსტრემალური დაღმართები, ავი ძაღლები და დაძაბული შეხვედრები ზედმეტად ბეჯით მესაზღვრეებთან", ასე აღწერს ჯოუი შუსლერი ამ თავგადასავალს.

ფილმი საქართველოს, გასავლელი გზისა და ჯგუფის წევრების წარდგენით იწყება. შემდეგი სცენა კი უკვე ომალოშია, ერთერთ საოჯახო სასტუმროში, საიდანაც მეგობრების არაჩვეულებრივი თავგადასავალი იწყება.

ვიდეოს 148 ათასი ნახვა აქვს.