დონალდ ტრამპის პირადმა ადვოკატმა მაიკლ კოენმა, სავარაუდოდ, 400 ათასი დოლარი მიიღო უკრაინის პრეზიდენტის, პეტრო პოროშენკოსა და ამერიკის შეერთებული შტატების პრეზიდენტის, დონალდ ტრამპის შეხვედრის ორგანიზებისათვის. ინფორმაციას BBC-ის რუსული ბიურო პირად წყაროებზე დაყრდნობით ავრცელებს.

გამოცემის ინფორმაციით, აშშ-ში ოფიციალურად დარეგისტრირებულმა უკრაინის ლობისტებმა პოროშენკოს და ტრამპის შეხვედრის ორგანიზება ვერ შეძლეს და სწორედ ამიტომ ჩაერთო საქმეში კოენი. კოენი არ იყო დარეგისტრირებული აშშ-ში უკრაინის ინტერესების წარმომადგენლად, როგორც ამას კანონი ითხოვს. პეტრ პოროშენკოს ადმინისტრაცია ბრალდებებს უარყოფს.

ტრამპისა და პოროშენკოს შეხვედრა 2017 წლის ივნისში გაიმართა.