სასამართლომ ცოლის და ცოლის მშობლების მიმართ ძალადობისთვის და მუქარისთვის ბრალდებულს ორი წლით თავისუფლების აღკვეთა მიუსაჯა.

მტკიცებულებების მიხედვით, 15 აგვისტოს, ქმარმა არასრულწლოვანი შვილის თანდასწრებით ხელები და ფეხები რამდენჯერმე დაარტყა ცოლს, შემდეგ ანთებული სიგარეტის ლოყაზე დადებით დამწვრობა მიაყენა სიმამრს, ხოლო სხეულის სხვადასხვა არეში დარტყმით სიდედრს ჯანმრთელობის მსუბუქი დაზიანება მიაყენა. ასევე, დანის გამოყენებით სიცოცხლის მოსპობით დაემუქრა ცოლის მშობლებს.

ბრალდებული დამნაშავედ სცნეს სისხლის სამართლის კოდექსის 1261 მუხლის მე-2 ნაწილის ა, ბ და გ ქვეპუნქტებით, 111 -120-ე მუხლით და 111 -151-ე მუხლის პირველი ნაწილით და მეორე ნაწილის გ ქვეპუნქტით.

პროურატურის ცნობით, სასამართლოში დადასტურდა, რომ ბრალდებული ოჯახის წევრებს სისტემატიურად აყენებდა სიტყვიერ შეურაცხყოფას. სამართალდამცველებმა ის 2017 წლის 15 აგვისტოს, თბილისში დააკავეს.