Ekhokavkaza-ს ინფორმაციით, ევროსაბჭოს საპარლამენტო ასამბლეა და ეუთო უკრაინელი ჟურნალისტის, პაველ შერემეტის მკვლელობის ყურადღებით გამოძიებას ითხოვენ.

ევროსაბჭოს საპარლამენტო ასამბლეის თავჯდომარის, პედრო აგრამუნტის თქმით, შერემეტის მკვლელობა თავისუფალ სიტყვასა და ჟურნალისტების უსაფრთხოებაზე შეტევაა. მან მოუწოდა კიევს, დანაშაულის სრული გამოძიებისკენ და მიუსამძიმრა გარდაცვლილის ოჯახს.

უკრაინას მომხდარის საფუძვლიანი გამოძიებისკენ მოუწოდებს ეუთოს წარმომადგენელი, დიუნია მიატოვიჩიც:

"ჩვენ დავკარგეთ გამოჩენილი და მიზანდასახული ჟურნალისტი, თანავუგრძნობ შერემეტის ოჯახს, მის მეგობრებსა და კოლეგებს. ჟურნალისტების უსაფრთხოების პრობლემა უკრაინაში დროულად და ეფექტურად უნდა გადაიჭრას".

დღეს დილას კიევში ჟურნალისტი პაველ შერემეტი მანქანაში ააფეთქეს, რის შედეგადაც ის გარდაიცვალა. გამოცემა Ukrainskaia Pravdas-ს ცნობით, სადაც ის მუშაობდა, შემთხვევა მაშინ მოხდა, როდესაც ჟურნალისტი სამსახურში მიდიოდა.

კიევში მცხოვრები ჟურნალისტი პაველ შერემეტი მანქანის აფეთქების შედეგად დაიღუპა