კაფე Ambavi • ამბავი პარლამენტის წინ საპროტესტო აქციის მონაწილეებს უფასო ჩაის მთელი ღამის განმავლობაში სთავაზობდნენ. მათივე თქმით, ისინი მომდევნო რამდენიმე დღის განმავლობაშიც იმუშავებენ.

პარლამენტთან აქცია "ჩვენი თავისუფლებისთვის" მთელი ღამის განმავლობაში მიმდინარეობდა. 13 მაისს დილით კი პოლიციამ აქციის მონაწილეებს კარვები დააშლევინა.

თეთრი ხმაურის მოძრაობის ერთ-ერთი წევრის, ბექა წიქარიშვილის თქმით, პარლამენტის შენობასთან აქცია დაიშლება. მისი თქმით, პროტესტი დღესვე, 13 აპრილს, 15 საათზე განახლდება.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.