საერთაშორისო გამჭვირვალობა - საქართველოს კვლევის მიხედვით, საქართველოს მოსახლეობის მხოლოდ 6%-ს სჯერა, რომ გაუჩინარებულმა აზერბაიჯანელმა ჟურნალისტმა, აფგან მუხტარლიმ საზღვარი დამოუკიდებლად გადაკვეთა.

გამოკითხულთა 18%-ის აზრით, მუხტარლი ქართულმა სპეცსამსახურებმა გაიტაცეს და აზერბაიჯანს გადასცეს. 15 %-ის აზრით კი - ის აზერბაიჯანელმა სპეცსამსახურებმა ქართულ მხარესთან თანამშრომლობით გაიტაცეს.

ფოტო: საერთაშორისო გამჭვირვალობა - საქართველო

საერთაშორისო გამჭვირვალობა - საქართველოს დაკვეთით კვლევა კავკასიის კვლევითი რესურსების ცენტრმა განახორციელა. კვლევის ფარგლებში, რომელიც 2018 წლის 3-28 მარტის პერიოდში ჩატარდა, მთელი საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.