პრეზიდენტ დონალდ ტრამპის თქმით, სახელმწიფო მდივანი, მაიკ პომპეო ჩრდილოეთ კორეიდან შტატებში აშშ-ს სამ მოქალაქესთან ერთად ბრუნდება. ტრამპის თქმით, ისინი ჯანმრთელად არიან, ხოლო კიმ ჩენ ინთან შეხვედრაც კარგად დასრულდა. უკვე დათქმულია აშშ-სა და ჩრდილოეთ კორეის ლიდერების შეხვედრის დრო და ადგილიც.

დონალდ ტრამპი ტვიტერის საკუთარ გვერდზე წერს, რომ ისიც გაემგზავრება მათთან შესახვედრად.

აშშ-ს სახელმწიფო მდივანი ჩრდილოეთ კორეის ლიდერებთან შესახვედრად ფხენიანში 2 მაისს გაემგზავრა. შეხვედრის მიზანი იყო ტრამპთან შეხვედრის საოგანიზაციო საკითხების საბოლოო მოგვარება და აშშ-ს სამი მოქალაქის გათავისუფლებაზე მოლაპარაკება.

ამერიკელების გათავისუფლებაზე მოლაპარაკება ორი თვის წინ დაიწყო. ტონი კიმი და კიმ ჰაკ სონგი გასულ წელს, ტრამპის ინაუგურაციიდან მალევე დააკავეს. მათ ბრალი ედებათ ჩრდილოეთ კორეის წინააღმდეგ მტრულ ქმედებაში. ისინი ფხენიანის უნივერსიტეტის მეცნიერებისა და ტექნოლოგიების მიმართულებაზე მუშაობდნენ.