შინაგან საქმეთა სამინისტროს ინფორმაციით, თბილისში გენდერული ნიშნით არასრულწლოვანს სცემეს. უწყების ინფორმაციით, არაფხიზელ მდგომარეობაში მყოფმა პირებმა 17 წლის პირს ჩაცმულობისა და გარეგნობის გამო, სიტყვიერი და ფიზიკური შეურაცხყოფა მიაყენეს.

უწყების განცხადებით, დაშავებულის მითითებით პოლიციამ ინციდენტის მონაწილე ორი პირი იმავე ქუჩაზე, შემთხვევიდან რამდენიმე წუთში დააკავა.

საქმეზე გამოძიება ჯგუფურად ჩადენილი ძალადობის საქმეზე, საქართველოს სისხლის სამართლის კოდექსის 126-ე მუხლის მიმდინარეობს. ამ მუხლით პირის ჯგუფურად ცემისთვის 2 წლამდე თავისუფლების აღკვეთაა გათვალისწინებული.