კანის კინოფესტივალის მთავარ საკონკურსო პროგრამაში მონაწილე ერთ-ერთი ფილმი, ჟან-ლუკ გოდარის, The Picture Book, სულ მალე ნეტფლიქსის მომხმარებლებისთვის გახდება ხელმისაწვდომი.

ამის შესახებ ფილმის პროდიუსერმა, ვინსენტ მორავალმა განაცხადა და თქვა, რომ ეს მისი ოცნება იყო.

"ფილმის პრემიერა კანში შედგება, 10 დღის შემდეგ კი მას ნეტფლიქსის წარმომადგენლები იყიდიან და ფილმის დისტრიბუციის სრული უფლებაც მათ გადაეცემათ. ფილმი გავა როგორც საფრანგეთის, ისე მსოფლიოს სხვა ქვეყნის კინოთეატრებშიც", - ამბობს მორავალი.

შეგახსენებთ, რომ წელს კანის საკონკურსო პროგრამაში ნეტფლიქსის არც ერთი ფილმი არ მიიღებს მონაწილეობას. მიზეზი კი მხოლოდ ის იყო, რომ ამ ფილმების ჩვენებები კინოთეატრში არ მოხდებოდა და მაყურებელი მას მხოლოდ ლეპტოპისა თუ სმარტფონის ეკრანზე ნახავდა. სწორედ ამიტომ, კანის კინოფესტივალის თავმჯდომარის, ტიერი ფრემოს გადაწყვეტილებით ნეტფლიქსის არც ერთი ფილმი საკონკურსო პროგრამაში არ მიიღებს მონაწილეობას.ფრემომ განმარტა, რომ მათი მოთხოვნით აუცილებელია, რომ ფესტივალის საკონკურსო ფილმები მოგვიანებით კინოთეატრშიც გაუშვან, ამ პოზიციას კი ნეტფლიქსი არ იზიარებს.