გასულ წელს კანის კინოფესტივალის საკონკურსო პროგრამაში ნეტფლიქსის ორი ფილმი Okja და The Meyerowitz Stories იღებდა მონაწილეობას. ამ ფაქტს მაშინვე მოჰყვა რამდენიმე კინოკრიტიკოსის აღშფოთება, მიზეზი კი მხოლოდ ის იყო, რომ ამ ფილმების ჩვენებები კინოთეატრში არ მოხდებოდა და მაყურებელი მას მხოლოდ ლეპტოპისა თუ სმარტფონის ეკრანზე ნახავდა.

უკვე წელს კი კანის კინოფესტივალის თავმჯდომარის, ტიერი ფრემოს გადაწყვეტილებით ნეტფლიქსის არც ერთი ფილმი საკონკურსო პროგრამაში არ მიიღებს მონაწილეობას.

ფრემომ განმარტა, რომ მათი მოთხოვნით აუცილებელია, რომ ფესტივალის საკონკურსო ფილმები მოგვიანებით კინოთეატრშიც გაუშვან, ამ პოზიციას კი ნეტფლიქსი არ იზიარებს.

"ჩვენ ვესაუბრეთ ნეტფლიქსის ხელმძღვანელობას და შევთანხმდით იმაზე, რომ ჩვენი პოზიციები ამ თემასთან დაკავშირებით განსხვავებულია. ჩვენ მსგავსი მოთხოვნები წავუყენეთ ამაზონსაც. ნეტფლიქსი და ამზონი არ ქმნიან ფილმებს, ისინი ქმნიან სერიალისა და ფილმის ჰიბრიდს. მიუხედავადა იმისა, რომ დღეს სერიალებს ოქროს ხანა აქვთ, კინო ტრიუმფით სვლას მაინც განაგრძობს, კინოს ისტორიას და ინტერნეტს საერთო არაფერი ექნება", - ამბობს ტიერი ფრემო.

კანის კინოფესტივალი წელს 8 მაისს დაიწყება.