ბაიერნის გოლკიპერი სვენ ულრაიხი ჩემპიონთა ლიგის მიმდინარე სეზონის ნახევარფინალურ შეხვედრაში რეალთან დაშვებულ შეცდომასა და ნახევარფინალიდან გამოვარდნას გამოეხმაურა:

"სიტყვებს არ შეუძლიათ იმ იმედგაცრუების გამოხატვა, რასაც ახლა ვგრძნობ, როცა ჩემპიონთა ლიგიდან გამოვვარდით".

"ფინალში გასვლა ძალიან გვინდოდა და რაც შეგვეძლო, ყველაფერი გავაკეთეთ. ისეთი შეცდომა დავუშვი, რომელიც სრულიად ზედმეტი იყო. ვერ ვხსნი, ეს რატომ მოხდა. ძალიან ვწუხვარ ფეხბურთელებისა და გულშემატკივრების გამო", - განაცხადა ულრაიხმა.

მიუნხენის ბაიერნმა ჩემპიონთა ლიგა ბოლოს 2012-13 წლების სეზონში მოიგო.