გაზაფხული და მით უმეტეს ზაფხული, სასარგებლო და გემრიელი კერძების პერიოდია. ამ დროს მონატრებული და მრავალფეროვანი ბოსტნეული, ჩვენ ყოველდღიურ რაციონში საკმაოდ დიდ ადგილს იკავებს.

მიუხედავად დიდი არჩევანისა, დროის უქონლობის გამო, ადამიანების უმრავლესობა, არჩევანს ყველასათვის საყვარელ და მარტივად მოსამზადებელ კიტრისა და პომიდორის სალათზე აკეთებს.

რა თქმა უნდა, კიტრი და პომიდორი ნამდვილად შეუცვლელი ბოსტნეულია და მათ არაფერს ვერჩით, თუმცა იმისათვის, რომ არ მოგვბეზრდეს და ჩვენი რაციონიც გაცილებით მრავალფეროვანი გახდეს, მათი ალტერნატივაც არსებობს.

განაგრძეთ კითხვა და ნახეთ ხუთი მარტივად მოსამზადებელი სალათი, რომელიც მობეზრებულ კიტრი-პომიდორს ღირსეულად ჩაანაცვლებს.

1. სიმინდი ან ბარდა

ფოტო: unclejerryskitchen

ტკბილი სიმინდის, ბარდას, ან ერთდროულად ორივეს სალათის მომზადება ძალიან მარტივია. ჩაყარეთ თასში, დაუმატეთ ხახვი, მწვანილი, ზეთი და მარილი გემოვნებით. გემრიელი და საკმაოდ ნოყიერი სალათი მზად არის.

2. წითელი კომბოსტო და წითელი ხახვი

ფოტო: Popsugar

გარდა იმისა, რომ წითელი კომბოსტოს სალათი ძალიან გემრიელია, ლამაზად და მადის აღმძვრელადაც გამოიყურება. მოტკბო წითელი ხახვი და ძმარი მას განსაკუთრებულ გემოს აძლევს.

3. ბროკოლი ან ყვავილოვანი კომბოსტო

ფოტო: onceuponachef

აადუღეთ წყალი და ჩაყარეთ ბროკოლის ან ყვავილოვანი კომბოსტოს სასურველ ზომაზე დაჭრილი ნაჭრები, გააჩერეთ 5-10 წუთი და დაბალკალორიული, გემრიელი სალათა მზად არის. თუ დიეტაზე არ ხართ დაამატეთ მაიონეზი და მოხარშული კვერცხიც.

4. სალათის ფოთლები

ფოტო: Fine Dining Lovers

ადამიანების უმრავლესობა თვლის, რომ სალათის ფოთლები დაბალკალორიული, მაგრამ უგემური საკვებია, რომელიც უკიდურეს შემთხვევაში შეიძლება მიირთვა. სინამდვილეში კი სწორად მომზადებული სალათის ფოთოლი, რომელსაც საკმარისი მწვანილი, მარილი და ზეთი (ან ძმარი) აქვს, ძალიან გემრიელი და რაც მთავარია სასარგებლოა.

5. მწვანილი

ფოტო: CNN

მაცივარში მწვანილის გარდა ვერაფერი იპოვეთ? ნუ მოიწყენთ, რადგან სხვადასხვა მწვანილით მომზადებული სალათი ძალიან არომატული და გემრიელია, მთავარია ცოტაოდენი ძმარი და მარილი დაუმატოთ.