საყოფაცხოვრებო ტექნიკის მსხვილი საერთაშორისო ბრენდი Beko მთელ მსოფლიოში ახალ საკომუნიკაციო პლატფორმას წარადგენს. Eat Like A Pro, ქართულად - "იკვებე ჩემპიონივით", უპრეცედენტო მასშტაბების კამპანიაა და მისი მიზანი ბავშვებში ჭარბი წონის პრობლემის დამარცხებაა. კვლევების შედეგად დადგინდა, რომ დედამიწაზე 70 მილიონი ბავშვი იტანჯება ჭარბი წონით. ამ პრობლემის გამომწვევი ძირითადი მიზეზი არაჯანსაღი საკვები და კვების არასწორი რეჟიმია.

კამპანიას უფრო დამაჯერებელს და მასშტაბურს ხდის მასში საფეხბურთო კლუბ ბარსელონას ფეხბურთელების ჩართულობა. ფეხბურთში ჩემპიონობისათვის და განსაკუთრებული შედეგების მისაღწევად ჯანსაღი ჯვება გადამწყვეტი ფაქტორია, ამიტომ პიკე, სუარესი, უმტიტი, მესი და სხვა ჩემპიონები ბავშვებს კვებასთან დაკავშირებულ საკუთარ ისტორიებსა და გამოცდილებას უზიარებენ.

კამპანია თითქმის ყველა მედია არხს დაფარავს და ბეკოს ყველა კომუნიკაცია ამ პლატფორმაზე იქნება მორგებული, თუმცა განსაკუთრებული აქცენტი ციფრულ მედიაზე გაკეთდება. კამპანიისთვის იქმნება სპეციალური ვებგვერდიც, სადაც ჯანსაღ კვებასთან დაკავშირებული მრავალფეროვანი კონტენტი განთავსდება - ვიდეორგოლები, რეცეპტები, რჩევები, სახალისო თამაშები და სხვა. საქართველოში კამპანიის განვითარებას შეგიძლიათ თვალი ადევნოთ ბეკოს ფეისბუქის გვერდზე.

#იკვებეჩემპიონივით