პეპ გვარდიოლას თქმით, მისი მიზანია, რომ მანჩესტერ სიტი პრემიერ ლიგის ისტორიაში საუკეთესო გუნდი გახადოს.

სიტის ერთი გამარჯვება აკლია, რომ პრემიერლიგის ერთ სეზონში მოპოვებული ქულების რეკორდი დაამყაროს. ჯერჯერობით საუკეთესო შედეგი ჩელსის ეკუთვნის. მათ ერთ სეზონში 95 ქულა მოიპოვეს. "არისტოკრატებსვე" ეკუთვნით ყველაზე მეტი, 103 გოლის რეკორდიც.

"ბედნიერი ვარ, რომ მომდევნო კვირას პრემიერლიგის თასს ოფიციალურად გადმოგვცემენ. შანსი მაქვს, ინგლისის ისტორიაში საუკეთესო გუნდის მწვრთნელი ვიყო, რომელიც ყველაზე მეტ ქულას მოიპოვებს".

"ყოველთვის რაღაცისთვის უნდა ითამაშო. როცა ტიტული შენი ხდება, მნიშვნელობა რიცხვებს ენიჭებათ", - აღნიშნა გვარდიოლამ.