NDI-ის კვლევის მიხედვით, გამოკითხულთა 28 პროცენტი მიიჩნევს, რომ საზოგადოებრივი მაუწყებელი პოლიტიკისა და მიმდინარე მოვლენების გაშუქებისას, ძირითადად, საქართველოს მთავრობის ინტერესებს ასახავს.

მოსახლეობის 33 პროცენტის აზრით კი საზოგადოებრივი მაუწყებელი ძირითადად, პოლიტიკურად ნეიტრალურია. გამოკითხულთა 34 პროცენტს კითხვაზე პასუხი არ აქვს.

NDI-ის კვლევის მიხედვით, მოსახლეობის მხოლოდ ოთხმა პროცენტმა განაცხადა, რომ ყველაზე მეტად პირველ არხს ენდობა.

ფოტო: NDI

NDI-მ 20 მარტი - 4 აპრილის პერიოდში საქართველოს მასშტაბით წარმომადგენლობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.