ნაომი კემპბელი საქართველოს მუსიკალური ღონისძიების ფარგლებში ეწვევა. ბრიტანელი მოდელი 26 სექტემბერს ქართველი მსმენელის წინაშე დიჯეის ამპლუაში წარდგება. ღონისძიება თბილისში, მთაწმინდის პარკში, ფუნიკულიორის მიმდებარე ღია სივრცეში გაიმართება. ღონისძიების ორგანიზატორები Mono Hall და Boom Boom Booking Agency არიან.

"Early Bird (შეზღუდული რაოდენობით) ბილეთების გაყიდვა იწყება 6 აგვისტოს, დღის 12:00 საათზე. გენერალური გაყიდვები დაიწყება 7 აგვისტოს, დღის 12:00 საათზე. ნაომი კემპბელის სცენაზე გამოსვლის დრო დაანონსდება ღონისძიებამდე 1 კვირით ადრე. გთხოვთ გაითვალისწინოთ, რომ აღნიშნული ღონისძიების სპეციფიკიდან გამომდინარე, ბილეთები (როგორც Early Bird ასევე General) გაიყიდება მკაცრად შეზღუდული რაოდენობით. ამიტომ დროულად მოასწარით, როგორც Early Bird ასევე General ბილეთების შეძენა", — ვკითხულობთ ღონისძიების აღწერაში.

გარდა წარმატებული სამოდელო კარიერისა, ნაომი კემპბელი მუსიკალურ ინდუსტრიაშიც აქტიურადაა ჩართული. ის ხშირად გვევლინება დიჯეის ამპლუაში და მსოფლიოს არაერთ პრესტიჟულ სცენაზე უკრავს. სულ მალე კი ნაომის მოსმენას ელექტრონული მუსიკის ქართველი მოყვარულებიც შეძლებენ.