NDI-ის კვლევის მიხედვით, გამოკითხულთა 53 პროცენტი საქართველოს ეროვნული უსაფრთხოებისთვის ყველაზე დიდ საფრთხედ რუსეთთან დაკავშირებულ ფაქტორებს მიიჩნევს.

მოსახლეობის 33 პროცენტის აზრით, საქართველოს უსაფრთხოებას საფრთხეს რუსული სამხედრო აგრესია უქმნის, 11 პროცენტის აზრით - აფხაზეთისა და ოსეთის ოკუპაცია.

ტერორიზმს საქართველოს უსაფრთხოებისთვის საფრთხედ მოსახლეობის 9 პროცენტი ასახელებს, 7 პროცენტი კი რუსულ პროპაგანდას.

ასევე საფრთხედ, 5, 4 და 3 პროცენტით მიჩნეულია, თურქეთის ინტერესები საქართველოში, რელიგიური დაპირისპირებები და ნატოსა და ევროკავშირში გაერთიანება.

გამოკითხულთა 2-2 პროცენტის აზრით, კი საქართველოს უსაფრთხოებას საფრთხეს ეთნიკური დაპირისპირებები და რუსეთზე ეკონომიკური დამოკიდებულება უქმნის.