NDI-ის კვლევის მიხედვით, საქართველოს მოსახლეობის 42 პროცენტი მიიჩნევს, რომ საბჭოთა კავშირის დაშლა საქართველოსთვის ცუდი მოვლენა იყო. იგივე მაჩვენებელი დაფიქსირდა შარშანაც, თუმცა განსხვავებაა ისაა, რომ გასულ წელს კარგ მოვლენად ამ ფაქტს მოსახლეობის უფრო დიდი წილი აფასაებდა.

გასულ წელს საბჭოთა კავშირის დაშლა დადებითად შეაფასა გამოკითხული მოსახლეობის თითქმის ნახევარმა, 48 პროცენტმა, წელს კი - 43-მა პროცენტმა.

NDI-მ 20 მარტი - 4 აპრილის პერიოდში საქართველოს მასშტაბით წარმომადგენლობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.