NDI-ის უახლესი კვლევის მიხედვით, მოსახლეობის 63 პროცენტი ფიქრობს, რომ საქართველოსთვის ყველაზე დიდ საფრთხეს რუსეთი წარმოადგენს.

გამოკითხულთა 8 პროცენტის აზრით, საქართველოსთვის საფრთხე თურქეთია, ხოლო 5 პროცენტს საფრთხედ აშშ მიაჩნია.

NDI-მ 20 მარტი - 4 აპრილის პერიოდში, საქართველოს მასშტაბით წარმომადგელობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.