გუშინ, ბათუმში, შავის ზღვის რიგით მე-10, საიუბილეო ჯაზ-ფესტივალი გაიხსნა. მუსიკალური ღონისძიება 27 გრემის მფლობელმა, ამერიკელმა კომპოზიტორმა, მესაყვირემ, არანჟირების ოსტატმა და მუსიკალურმა პროდიუსერმა ქუინსი ჯონსმა გახსნა.

ქუინსი ჯონსი მაყურებლის წინაშე წამყვანის ამპლუაში წარსდგა. მან პროექტი QUINCY JONES & THE GLOBAL GUMBO ALL STARS წარადგინა. კონცერტი სამ ნაწილად იყო გაყოფილი. მაყურებლის წინაშე 3 ახალგაზრდა ვირტუოზი – რიჩარდ ბონა, ალფრედო როდრიგესი და ჯაკობ კოლიერი წარსდგა. პროგრამა , რომელი ქვინსი ჯონსმა წარადგინა მხოლოდ ორ ფესტივალზე სრულდება , მათ შორის ერთი ბათუმია.

პირველი სცენაზე ჯაკობ პოილერი წარსდგა. ის მარტო უკრავდა ყველა ინსტრუმენტზე და მარტოვე მღეროდა სხვადასხვა ტონალობაში.

ისთერნფრომოუშენსის დირექტორის გიორგი კერესელიძის განცხადებით „დღევანდელ დღეს ისეთ პროექტს როგორსაც იძლევა ჯაკობ პოლიერი სხვაგან ვერ იხილავს მაყურებელი.“

პროექტის ჰედლაინერი რიჩარდ ბონა სცენაზე, საქართველოს დროშით და ენერგიული მუსიკის რიტმებით, მაყურებლის ოვაციების ფონზე წარსდგა.

როგორც ცნობილია ქვინსი ჯონსი ბათუმში, ნეტფლიქსის გადამღებ ჯგუფთან ერთად ჩამოვიდა, რომლებიც დოკუმენტურ ფილმს იღებენ მის მოღვაწეობაზე. ქვინსის მოთხოვნით ის დაესწრო ბათუმში, კინოთეატრ „აპოლოში“ ჯაზ-ფესტივალის ფარგლებში, საქართველოს კულტურისა და ძეგლთა დაცვის სამინისტროსა და ეროვნული კინოცენტრის ორგანიზებით, ფილმის - „Miles Ahead“ პრემიერას . მხატვრული ფილმი ლეგენდარული ამერიკელი მუსიკოსის მაილს დევისის ცხოვრებასა და შემოქმედებას ასახავს.

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

შეგახსენებთ, რომ შავი ზღვის რიგით X ჯაზ-ფესტივალი "Chek-In Georgia"-ს ფარგლებში ტარდება.16 ივლისს, ბათუმის ჩოგბურთის კლუბში მაილს ელექტრიკ ბენდის (MILES ELECTRIC BAND) კონცერტი გაიმართება.