შსს-ს განსაკუთრებულ დავალებათა დეპარტამენტის დირექტორმა გიორგი ყაყიჩაშვილმა, დღეს, 29 აპრილს კრწანისის საწვრთნელ ბაზასთან მომხდარ აფეთქებაზე განაცხადა, რომ მიმდებარე ტერიტორიაზე ორი მოქალაქე სოკოს აგროვებდა:

"ამის შესახებ თავად აღნიშნეს. განსაკუთრებულ დავალებათა დეპარტამენტის საბრძოლო მომზადებისა და გადამზადების ცენტრის პოლიგონის მიმდებარე ტერიტორიაზე შეგროვების დროს მათ მეტალის ნივთი იპოვეს, რომელიც ერთ-ერთმა მათგანმა მოისროლა, რის შედეგადაც აღნიშნული ნივთი აფეთქდა"

მისივე თქმით, თითქოს აფეთქების დროს მიმდინარეობდა წვრთნები და დაშავებულები იყვნენ პოლიციელები, სიმართლეს არ შეესაბამება:

"შინაგან საქმეთა სამინისტროს ტერიტორია არის დაცული, განთავსებულია ბანერები, სადაც მითითებულია, რომ იქ შესვლა აკრძალულია".

დაშავებული ორივე მოქალაქე სამედიცინო დაწესებულება ნიუჰოსპტალში იმყოფება. შსს-ს ცნობით, მათ სიცოცხლეს და ჯანმრთელობას საფრთხე არ ემუქრება. დაშავებულთაგან ერთ-ერთს ოპერაცია უკვე ჩაუტარდა. მათ ფეხისა და მუცლის არეში აღენიშნებათ დაზიანებები.

გამოძიება მიმდინარეობს ჯანმრთელობის განზრახ ნაკლებად მძიმე დაზიანებას ფაქტზე სისხლის სამართლის კოდექსის 118-ე მუხლით.