7 დღე გავიდა მას შემდეგ, რაც სოციალური ქსელებით ბავშვების მიერ ბავშვზე ძალადობისა და ბულინგის ამსახველი ვიდეო გავრცელდა. გავრცელებულ ბმულზე მასალა აღარ იძებნება, თუმცა არსებობს ვიდეოჩანაწერების ასლები.

ვიდეოჩანაწერის ასლში მსხვერპლი ბავშვის სახე დაფარულია, თუმცა ისმის, სავარაუდოდ, მისი სახელი და გვარი. ვიდეომასალაში ისმის როგორ აიძულებენ ბავშვები ბავშვს სავარაუდო სექსუალური კავშირის შესახებ ისაუბროს.

აღნიშნული ვიდეოს შესახებ On.ge-მ შინაგან საქმეთა სამინისტროს რამდენიმე დღის წინ აცნობა დღეს კი, შესაბამისი ბმულიც მიაწოდა. გამოცემა უწყების პრესსამსახურისგან ამ საკითხზე კომენტარს ელოდება.