ქართველი კალათბურთელი ზაზა ფაჩულია ოკუპაციის საწინააღმდეგო პასპორტის ჩასადებით გადაადგილდება. ამის შესახებ, ჩასადების შემქმნელი კომპანია, ჯოვანი მორა ფეისბუქზე წერს.

"როცა ფასეულობები გვაერთიანებს! ზაზა ფაჩულია ზრუნავს, რომ საქართველოს ოკუპაციის შესახებ მსოფლიომ გაიგოს", - წერია პოსტის აღწერაში, რომელსაც ზაზას ინსტაგრამის სთორიდან ერთვის ფოტო.

"ჩემი ქვეყნის 20% ოკუპირებულია რუსეთის მიერ", - სწორედ ამ იდეით შექმნა გიორგი პოპიაშვილმა ოკუპირებული ქვეყნის მოქალაქეებისთვის "სავიზიტო ბარათი". Giovanni Morra-ს პასპორტის ჩასადების 20% მავთულხლართებით არის გამოყოფილი და ის თქვენს მაგივრად უამბობს მსოფლიოს, რომ რუსეთის მიერ ოკუპირებული ქვეყნის მოქალაქე ხართ.

იდეის ავტორის თქმით, მცირე დეტალები იმაზე უფრო ხმამაღლა ამბობენ სათქმელს, ვიდრე სიტყვებს შეუძლიათ:

"მჯერა, რომ თქვენ ყველას, ჩვენ ყველას, გვსურს ვუთხრათ მთელ მსოფლიოს, რომ ოკუპაცია აქ და ახლა ხდება, რომ საქართველოს 20% რუსეთის მიერაა ოკუპირებული."

აპრილის დასაწყისსში, ოკუპაციის საწინააღმდეგო პასპორტის ჩასადებით გადაკვეთეს ქვეყნის საზღვარი ეროვნული ნაციონალური ბალეტის, სუხიშვილების მოცეკვავეებმაც.

ზაზა ფაჩულია ამჟამად NBA-ის გოლდენ-სტეიტ უორიორსის მოთამაშეა.